Tempi Andai

Il testo è stato composto dai giovani grottisti della Associazione XXX Ottobre in occasione della Speleocorrida, tenutasi a Trieste in occasione della "Festa Speleo" nel 1991. Nell'occasione, il gruppo ha ottenuto il secondo posto. La musica è stata presa in prestito dalla canzone dialettale degli anni '70 "Finanziere" del cantautore triestino Lorenzo Pilat.

 

 

 

 

 

 

 

 

 

Testo della Canzone

Me ricordo che iero 'ssai picio e che andavo con mio papà bagolavimo pe'l Carso a zercar le cavità.

 

Ma de quei tempi andai qualche cosa xe restà. Vado in grota ancora 'desso ma no più col mio papà.

 

Ma co' iero gamel no iera 'ssai bel. Gavetoni de fanghiglia scoi, piere e poltiglia me ciapavo zo pe'l colo co' vegnivo su da solo.

 

Questo è il prezzo da pagare per chi deve disarmare. Qualche volta andava lissa e pagavo in t'un osmiza.

 

E adesso che son za grande co' la corda e tanti spit mi me cambio là del buso a do passi dal confin. Dago acqua a la carburo fazo l'armo e po' me calo.

 

Dentro el buso xe 'ssai scuro e no vedo in do' che vado. Con do' tiri son sul fondo mi me sento a scarburar e xe uno là in divisa ziga: "Stoj, no sta pasar!" No capiso cosa che 'l disi e de mi cosa che 'l vol qua xe meio che mi filo molto tuto e taco el croll.

 

(parlato) Sequestrado soto tera saco gialo e badoliera Iera scrito sul Primorski che 'l fazeva armi loschi.

 

Gavetoni de fanghiglia scoi, piere e poltiglia me ciapavo zo pe'l colo co vegnivo su da solo.

 

Questo è il prezzo da pagare per chi deve disarmare. Qualche volta andava lissa e pagavo in t'un osmiza. Qualche volta andava lissa e pagavo in t'un osmiza.